Qorshaha madaxweynaha Soomaaliya ee wax ka bedelka dastuurka dheeriga ah ayaa ku dhacaysa iyadoo baarlamaanka uu qalqal galay
MUQDISHO (Salaanmedia.com)_ Madaxweynaha Soomaaliya Xasan Sheekh Maxamuud ayaa ku guul darreystay isku daygii ugu dambeeyay ee uu ku doonayay in baarlamaanka lagu ansixiyo si wax looga bedelo cutubyada muhiimka ah ee dastuurka KMG ah ee dalka, kaddib markii ay iska caabin xooggan kala kulmeen xildhibaannada mucaaradka ah oo baarlamaanka geliyey qalalaase.
Xiisada ayaa soo ifbaxday markii todobaadkii hore Gudoomiyaha Golaha Shacabka Aadan Madoobe uu si lama filaan ah u sheegay in Ajandaha Baarlamaanka diirada lagu saari doono ka doodista wax ka bedelka shanta cutub ee Dastuurka KMG ah. Dukumeenti qeexaya wax ka bedelka la soo jeediyay ayaa xildhibaanada loo qeybiyay daqiiqado ka hor inta uusan kalfadhiga bilaaban.
Xildhibaanada mucaaradka ayaa si caro leh uga falceliyay, iyagoo ku eedeeyay hogaanka baarlamaanka inay gaadmo ku yihiin baarlamaanka oo isbedelo dastuuri ah lagu sameeyay. Golaha ayaa si deg deg ah u galay buuq iyo fowdo iyadoo xildhibaannadu ay afuufayeen, qeylo dhaan iyo jeexjeexeen warqadihii wax ka beddelka ee loogu talagalay in laga doodo. Gudoomiyaha Baarlamaanka oo saaxiib dhow la ah Madaxweyne Maxamuud ayaa awoodi waayay inuu soo celiyo nidaamka iyo kala dambeynta, waxaana uu ugu dambeyn isaga baxay xarunta Baarlamaanka.
Qalalaasaha ayaa cirka isku sii shareeray markii la arkayay Wasiirka Amniga Gudaha C/llaahi Sheekh Ismaaciil Fartaag oo feeray Xildhibaan kale, iyadoo uu buuq ka taagan yahay Dabaqa Guriga.
Hoggaanka labada Aqal ee Baarlamaanka Soomaaliya oo dadaal ugu jira sidii loo sii amba qaadi lahaa Ajandaha Dastuuriga ah ee Madaxweynaha Soomaaliya ayaa todobaadkan u diiday tiro Xildhibaano ah oo ka soo horjeeda in ay soo xaadiraan Kulamo dhowr ah, waxaana ay doonayaan in ay dib u bilaabaan howlihii Baarlamaanka. Si kastaba ha ahaatee, tallaabadii ayaa dib u dhacday, taasoo dhalisay iska hor imaadyo cusub.
Xildhibaanada mucaaradka ayaa goor hore oo isniin ah soo gaaray xarunta baarlamaanka, waxaana ay isku dhaceen ciidamo booliis ah oo loo diyaariyay sugidda ammaanka xarunta baarlamaanka. Gacan ka hadal ayaa sababay in xildhibaano dhowr ah ay soo gaareen dhaawacyo fudud, waxaana mar kale hakad galay howlihii shaqo ee u socday.
Mudanayaasha gadoodka sameeyay ayaa ku doodaya in kalfadhiga baarlamaanka uu mar hore dhamaaday, isla markaana ay mudanayaashu xaq u leeyihiin fasax, taasoo ka dhigaysa isku day kasta oo lagu doonayo in lagu sii wado sharci-dejinta. Waxa kale oo ay ka digayaan in ku riixida wax ka beddelka dastuurka iyada oo aan lagala tashan siyaasad ballaadhan ay khatar gelinayso khilaafyada jira.
Xildhibaanada mucaaradka ayaa sheegay in wax ka bedelkii horey loo sameeyay kadib markii ay dowladdu soo bandhigtay iyadoo aan si waafi ah loola xiriirin dhinacyada siyaasadda, waxaana soo jeedintii ugu dambeysay ay halis ku tahay inay sii huriyaan xiisadaha xilli ay sii korortay jilicsanaanta siyaasadeed.
