MUQDISHO (Somalia) – Soomaaliya iyo Sacuudiga ayaa kala saxiixday heshiis iskaashi oo dhanka difaaca iyo militariga ah, sida ay shaacisay wasaaradda gaashaandhigga Soomaaliya maanta oo Isniin ah.
Wasaaradda ayaa bayaan ay soo saartay ku sheegtay in heshiiskan uu xoojinayo iskaashiga difaaca iyo militariga ee labada dal, iyadoo la eegayo dhinacyo badan oo labada dal dan u ah.
Heshiiskan oo ay wada saxiixdeen Wasiirka Gaashaandhigga Soomaaliya Axmed Macalin Fiqi iyo dhiggiisa Sacuudiga Amiir Khaalid Bin Salmaan ayaa ka dhacay magaalada Riyaad ee caasimadda dalka Sacuudiga.
Iskaashiga istiraatijiyadeed ayaa sidoo kale looga gol leeyahay in lagu wanaajiyo xasiloonida gobolka iyo amniga Badda Cas, sida ay sheegtay warbaahinta gudaha ee Soomaalida.
Xidhiidhka u dhexeeya dawladda Geeska Afrika iyo boqortooyada ayaa sii kordhayey tan iyo markii Israa’iil ay aqoonsatay gobolkeeda ka go’ay ee Somaliland.
Muqdisho waxa ay sidoo kale xulafadeeda ka dooneysaa taageero farsamo iyo saanad milatari oo horumarsan si ay u ilaaliso madaxbanaanida dhulkeeda iyo hawadeeda.
